来源：未知 时间：2014-12-02 14:06 作者： admin 点击：次

氣勢如虹嘅皇家馬德里，今晚會喺主場踢西班牙盃第4圈次回合。首回合領先低組別球隊哥尼拿4比1嘅「銀河艦隊」，現時目標係追趕死敵巴塞隆拿嘅18連勝紀錄，今仗就算派出副選上陣，一眾球員為爭取表現，肯定都會好似首回合咁盡數對手，阿King睇好皇馬可以再大勝一仗，捧讓球主勝。

（now 632周三凌晨3時直播）

皇馬上仗聯賽擊敗馬拉加豪取16連勝，刷新「銀河艦隊」創會112年嘅紀錄，球隊依家嘅目標好明顯係要打破死敵巴塞2005至06年球季創下嘅18連勝紀錄。皇馬今仗對丙組仔哥尼拿，雖有中場基迪拉、莫迪歷及後衞艾比路亞缺陣，但其他二線兵如艾斯高、查維亞靴南迪斯等相信都會上陣，加上養傷多時嘅謝斯洛迪古斯亦有機會復出，一眾副選戰將為爭取表現及助球會追趕巴塞連勝紀錄，今仗相信會照樣出盡全力務求盡數對手。

哥尼拿現時喺西丙3排第12位，球隊近6仗未嘗1勝，今仗作客班拿貝球場遇上火力強大嘅「銀河艦隊」，相信都會好似首回合咁再一次做炮灰，讓球主客和皇馬就算讓三球都冇有怕，捧讓球主勝。

艾拉維斯唔赦愛斯賓奴
另外兩場西班牙盃，排西乙中游嘅艾拉維斯近況雖一般，但愛斯賓奴今仗有中場柏高蒙坦尼斯同荷西簡拿斯因傷倦勤，而域陀辛捷士則要停賽，陣容不整加上季內作客未贏過，今仗難贏艾拉維斯，捧讓球主勝。至於連續4場未贏過嘅西乙球隊華拉度列雖有前鋒羅渣馬迪養傷，但今仗回師主場面對有中場艾朗尼古斯、查路占美尼斯、穆汀加爾及門將文奴靴里拉缺陣嘅艾爾切，相信可以重上勝軌，捧主隊。